作词 : BAL/Lazy
作曲 : BAL/Lazy
志同容易，道合难，交情深浅不应只看认识了多久，兄弟二字也不应随口而出。
by BAL
茫茫人海之中，能遇到一群可以一齐并肩的老友，虽无血缘关系但是堪比亲兄弟，没有任何的名利捆绑维系，只有几蚊鸡的玻璃樽装汽水，只有几蚊鸡的老牌珠江啤酒，仍旧可以促膝长谈打闹，这是多么的难得。我好感激上天可以让我遇到你们，嘈过闹过打过互相嫌弃过但最后都未有分开过，感谢你们，真的很感谢你们！如果真的有下一世，我想继续遇到你们。
——致西城男孩夹面筋 WestSideBoys
by Lazy
-----------------------------------
《兄弟》
首发年份：2010
演唱：BAL / Lazy
beat：Can't Forget About You
mixing：熊太
remastering：Winsun
BAL:
做兄弟乜野都冇计
有乜唔开心都可以坐埋一齐
虽然宜家已经各散东西
但系我哋嘅心仍然连喺一齐
记得每个周末饮野剩用几蚊鸡
一晚流流长大家坐喺士多倾计
无论风吹雨打都喺埋同一个位
倾下有关生活嘅问题
边个又失恋边个又闭翳
唔使担心 背后仲有我哋呢班兄弟
我哋分享生活嘅一切
呢种感情就好似血缘关系
唔需要用华丽嘅词语去表达我哋嘅联系
四个字 心有灵犀
由六七岁玩到甘大个仔
日子过得太多我都唔知点统计
一齐长大一齐学坏一齐学打牌
一齐扮蛊惑仔 打横行晒条街
夏天落力打波 唔怕太阳晒
冬天着得少少地 私私缩缩走落街
回忆果段日子的确比较愉快
宜家发现 光阴难买
兄弟我哋讲过艰苦日子要一齐挨
我唔会反口唔会讲bye bye
大家要努力 唔好比现实打败
大家要奋斗 唔要失败
记住 兄弟要努力我地大嗌
Brothers never say good bye
Lazy:
虽然问候嘅说话真系冇几多
但系兄弟感情一样系咁好都未有改变过
无咗你哋我嘅生活真系好似有D变咗
时间亦都一分一秒不停系咁过
思念嘅情绪继续继续系咁不断增多
少咗你哋嘅日子实在好难过
特别就系夜深人静嘅时候
感觉就会变得特别难受
你哋几时先会返嚟再次聚埋一齐走去饮酒
一直饮酒饮到需要抠喉 企系路边果度系甘呕
呕到唔知时候 唔知系时候 需要返去屋企唞
又或者闷到就快发癫 一齐坐系护城河边
抬头望住个天 跟住系度煲烟
讲讲我哋大个以后嘅明天
冇到烦恼真系快活过神仙
不过宜家好难先会有 你哋话咁要点先算
真系好怀念 好怀念以前
边个心烦 边个凄惨 边个需要吹水消磨时间
我哋都会约埋出嚟 一齐共度时间
就算有乜困难乜嘢难关
做兄弟嘅一定会企出嚟撑
霖翻起 十几年嚟我哋之间拥有好多友情印记
细个一齐作反唔够刺激再去撩事斗非
十几年嚟我哋大家一齐分甘同味
感受人间冷暖仲有喜怒哀悲
就算个天跌落嚟 都可以当系张被
我哋会系一世噶老友记
亦都会系一世噶好知己
兄弟你哋可唔可以快D返嚟
讲心果句 我真系好挂住你哋
喂~兄弟 人生在世实会有好多问题
你哋亦都冇需要闭翳
风雨过后太阳一定会出嚟
千其唔好俾困难打低
越战越强咁样先至唔会失礼
苦尽甘来 你哋话究竟系唔系
接住落嚟 我哋大家都要继续努力奋斗
无论发生乜嘢坏事 点都唔好俾自己退后
就算以后嘅路再难走 都有兄弟陪你直到最后
相信自己俾D勇气 第日你哋就必成大器
唔好轻易放弃 最后胜利获得嘅人
冇错会系兄弟你哋
一分耕耘一分收获保证系
绝对永恒嘅道理
可能幼稚嘅字词冇乜意思
不过希望咁样
亦都可以帮兄弟点燃~烧起斗志