作词 : 农夫
作曲 : Clinton Sparks
如果人生系得番廿四小时 你会有啲乜野表示
好似乜野都只不过系小事
到底系咪会谂番几廿年之间有乜野值得比较记住
有边次活得比较有意义
唉 由细开始要勤力啲 考好啲试
我听过唔只一次 全部人口供一致
话我知 入得到大学拎到张沙纸
入间大公司攞到啲银纸
先可以 先可以叫做成功人士
系边个话我知要咁样做人 先至算系有意义
一出世开始呢一个标准就系最高既指示
每个人都只系棋盘入面嘅一只棋子
到你死果日边个可以百分百忠实
表现自己果日净系谂住八就八终日
搬弄是非果日 勤勤力力 形形役役
饰演好你自己 呢一个角色 饰演到尾
问你 点解咁落力
好似每个人都无灵魂 Repeat又Repeat
每一日都日复日 系为咗热啲又热啲
应付月头月尾既每一张 Receipt又Receipt
为咗所为既康庄大道我哋一直做 一直做一直做咗十年
二十年 人生有几多个十年
有几多个人 有几多个梦想从来未曾实现
最後今天 就算要离开呢个世界
几大就几大 呢24小时一定要活得痛痛快快
就到尽头 你会点样走
系咪会以後 去天国漫游
定系会逗留 逐秒祈求
生死册写错手 你时辰未够
就到尽头 你会点样走
系咪会以後 去天国漫游
定系会逗留 逐秒祈求
生死册写错手 你时辰未够
如果你知生命只系得番廿四小时
你想你嘅故事重新开始 定你觉得系一件小事
没所谓 反正冇得留低等时间流逝
定系趁离开人世 之前留低一番作为
谂住闩埋房门揽住啲动漫对足电脑一晚
定系打开窗睇多一眼个世界几咁灿烂
你仲系最关心边位天王天后结婚
定系你突然想睇真从来唔上心嘅父亲母亲
再肉麻 嘅说话 唔使再放系心
想辱骂尽情去骂 唔使再怕手尾跟
你会揾你爱人卿卿我我 听听风看海
定系 轻轻的我走了 正如我轻轻的来
自己避开 自己离开 唔使人哋为我默哀
定系要公开为你比我嘅爱讲声唔该
揾朋友 饮下酒欢送我就嚟走
定系 能够揾到位真正朋友系最後聚首
(最後最後) 要死有几奇 人生好比场嬉戏
唔舍得你地陪我走到嚟 (没期没期)
床边好多亲朋收到啲慰问 带走好多遗憾
再生为你维生 来生系咪咁 (好奇好奇)
我可以犯法 所有罪冇畏惧
但系冇办法抹走为我流嘅 (眼泪眼泪)
好似一个Rapper 突然变哑
净底一堆说话同埋廿四个Bar
就到尽头 你会点样走
系咪会以後 去天国漫游
定系会逗留 逐秒祈求
生死册写错手 你时辰未够
就到尽头 你会点样走
系咪会以後 去天国漫游
定系会逗留 逐秒祈求
生死册写错手 你时辰未够